香港新浪網 MySinaBlog
寶瓶粟米 | 22nd Jan 2014 | 寶瓶奇想 | (10 Reads)

我地好多時都會無啦啦口up up講d野, 又或者係諗野果陣可能唔覺意望住一d人, 其實, 我地未必係想同果個人講野, 只係........(啫係咁啦!)

 

But then, 果d人會以為你同佢講野, 所以就出現搭咀既情況, 有時, 仲會無辜辜比人鬧........(我又係講緊我呀! 你可以話唔算鬧, 但我會覺得, 洗唔洗咁大聲or咁串哩?)

 

明晚Annual Dinner, 酒店6點半開波, 公司又係6點半放工, 阿花一邊做野一邊諗緊野, 想安排好人數以便call taxi, 唔覺意望住老闆方向, 口up up就up左句, "唔知聽日多唔多野做哩.....?"(自言自語~ing)  老闆問完阿花咩事就話, "聽日早少少走囉!"(言帶責怪職員想早走意思)

 

阿花不甘被誤會地回老闆一句(阿花既職位都唔低架....), "哦, 我安排緊人數聽日搭車, 因為有同事携眷出席, 會黎公司join埋一齊坐車, 睇下預幾點鐘集合啫......."

 

其實講到底, 阿花只係唔想下下都要解釋咁多野囉, 每講一句說話唔小心被聽到都要解釋, 好攰呀!!

 

Conclusion, 唔多出聲諸多解釋, 其實有時我地都只係自己同自己講緊野, 希望d人會明白.........唔係下下都要你出聲囉!


寶瓶粟米 | 19th Jan 2014 | 寶瓶看世界 | (30 Reads)

無expect無啦啦比人鬧, 神說: [不要含怒到日落], 我想講, 好難.....但仍希望做到!

 

話說今早出門上班, 在巴士站等車, 突然左邊有個人頭閃一閃嚇我一跳, 我下意識跳一跳開(自然反應, 其實只係輕輕跳開半步), 望下......係個阿伯! 可能佢想望下有無車或另一條巴士線有無車!?(我估)

 

不到一分鐘, 有人咳, 我回望一下(自然反應), 又係果個阿伯! (嘩! 呢d天氣, 又多病) 呢次我又行開半步, 今次佢d眼神有異, 我無理佢......  再一分鐘, 我feel到左邊大腿有野篤我, 我望下自己左邊腳部, 後面有個女人, 可能佢個手揪袋個袋角篤到我, 咁我一下意識行開少少, 誰知呢個時間..........頂! 比人鬧! 邊個咁衰? 之前果個阿伯囉!

 

其實到而家我已經唔記得佢第一句鬧咩先架啦, 但有幾句就好清楚, "你咁矝貴, 你去坐私家車啦, 咁驚人地污糟, 係度嫌人地, 人地行前d又彈開, 係度彈黎彈去....."

 

本來我都無諗住搭咀, 由得佢9up幾句咪算囉, 嘩, 點知佢鬧唔停, 仲要係無啦啦一開聲就大大聲指住我黎鬧, and then排隊D人個個望過黎, 我都唔理, 阿伯仲唔收聲, 我先至反問佢, "你鬧完未? 做咩無啦啦鬧我? 我有咩得罪你?"

 

阿伯話我彈黎彈去喎, 跟住佢同佢同行一個女人(我估佢太太)一齊行左我前面, 繼續鬧!  (我真係火到黎埋, 不過我都仲按住自己脾氣, 其實已經好想爆佢老粗) 我話我行開d啫, 我又無整到你, 你做咩鬧我啫!!?

 

阿伯仲係度話我彈黎彈去喎, (我火到哩...................) 我見佢地行左去我面, 我話, "你鬧咩啫? 我覺得隻腳有野篤我, 我望下自己啫, 我咪自己開行d囉, 咁都得罪你呀?! 其實你都係想打我尖啫, 咪讓你地囉..........!!!" 這時, 個女人聽到我話有野篤到我, 佢都叫個阿伯唔好再鬧, 話"可能有野撞到人地(我)先至行開d啫, 唔好嘈啦唔好嘈啦!" 個阿伯仲想鬧, 唔收火, 怒啤住我, 其他人又開始加把咀, "唔好鬧到, 一早係度鬧交......."

 

我無再搭咀, 我心諗, 無用, 呢d阿伯無所事事搵人出氣, 可憐無辜的我受哂, 其實我都好火, 點解鬧要我, 越諗越嬲, 關我咩事, 我避開你咁都得罪你, 見係老人家費事同你嘈, 鬼知你咁長氣鬧唔停! 痴交花!!! #@$&@#&$@$@&$&@&#&#@

 

最終佢兩個走左搭另一巴士!

 

我上車後, 不停回想呢件事, 點解要鬧我? 我處理呢件事處理得好唔好? 我應該點樣搭咀至禮貌d但又可以鬧番佢, 點樣搭咀先至可以令佢明白佢唔應該鬧我? 不停諗左好多好多答法, 不過..........都過左去啦! 諗到神說: [不要含怒到日落], 原諒阿伯啦, 唔好再諗啦, 但我想講, 好難, 我個心好實好慶, 好似比火燒.........

 

好想搵人傾訴, 我相信搵人呻下, 發洩下, 仲要個傾聽者唔搭咀, 一味支持我, 可能我條氣先至會順番?

 

Oh......Phuck!!!

 

 


寶瓶粟米 | 5th Jan 2014 | 大日子 | (3 Reads)

闊別三年鳥!

 

自xanga同yahoo相繼拜拜 (好彩有backup), 三年前開這個sinablog, 今日, 手起筆落(打字), 又繼續寫下野!

 

三年發生了什麼事嗎? 很多很多, 像我這把年紀(口吻很老土呀呵?)............一定經歷了很多事情, 當中有喜有........不是悲, 而是, 人生總會遇到不快樂的事, 哈哈! 繼續, 這三年來, 我多在facbook留言, 自用了iPhone, 近年還加入wechat, 即時通訊仲會用whatsapp, viber, line, 新浪博客也少玩了...........

 

這三年, 就這麼過了~~~


寶瓶粟米 | 22nd Jan 2011 | 大日子 | (5 Reads)

做給媽媽的聖誕蛋糕.........黑白朱古力慕絲芝士蛋糕!

開開心心甜甜蜜蜜~

頂層: 新鮮草莓+白朱古力慕絲
中層&邊邊: 朱古力慕絲
內層: 芝士蛋糕

(啖啖cholesterol...............) ^v^


寶瓶粟米 | 4th Dec 2010 | 烘焙の守護天使 | (11 Reads)

媽咪約左朋友, 想我整個健康蛋糕, 蛋白蛋糕夠健康了吧, 咁我又試新口味啦~

[咖啡蛋白蛋糕]

SC00603 SC00604

要等媽咪同朋友們食過之後先至知道texture如何, 假如好好味, 下次整多次比自己人食.......

 


寶瓶粟米 | 30th Nov 2010 | 中西美食色香味 | (22 Reads)
同婆婆and大姨去飲齋茶, 今次叫左呢碟素八瓜魚...爽口~

SC00572 

素鍋貼, 個餡差一點, 我食到有粉絲同菜碎~

SC00573

最愛的蘿蔔糕~

SC00574

排骨炒河~

SC00575

我唔食的叉燒酥, 雖則我唔吃, 但聽佢地有食到的, 說唔錯喎~

SC00576

網上好多食評欽點的柚子蜜素扒, 都幾好食~

SC00577

酸辣湯米線, ok好食!

SC00578

冬陰公米線, 呢個湯底正~!~!~!~

SC00579

大姨話想食住家飯, 又係我主理....(半小時買餸, 1小時處理, 40mins煮好哂........仲有個滾湯添呀!!!)

本來想全齋,不過大姨同姨丈剛在馬來西亞回港, 當地食左餐非常唔掂的燒味, 所以舅父叫我買d燒腩仔比姨丈喎~~~~~

=.=''''''''''''

C00580

上次失敗之後, 是次轉掉, 粉絲底南瓜同榨菜絲放面, 加點美極&麻油蒸10mins..........正, 掂左!

婆婆超愛, 仲話點解咁少南瓜, 呵~

C00581

素海參, 係急凍產品, 只需解凍, 以熟水沖一沖, 加點麻油and美極, 正and爽~

C00582

烚菜心.....大姨話淋左, 因為婆婆的關係, 所以要淋d....hehehe~~~

C00583

大姨喜愛的素雞炒鮮百合~

C00584

烚豆苗~

C00585

齋齋齋.....我齋!!!!!!!

 


寶瓶粟米 | 28th Nov 2010 | 大日子 | (14 Reads)

琴日出去前食左兩條粟米, 去到BBQ又食左兩條粟米, 一共4條, 今日唱K又食左一碗粟米...........正! 超開心啦~~

熊貓你們好!!!

唱老歌......=.=~~~~

 

嘩, 哈, 噓, 唓, 嘻, 呵, 呀~~~~~~~~~~~

^o^

即場做的竹筒翅, 做法如下:

(1) K場已事先搞掂一煲杰撻撻的"羹"
(2) 將其他食材切絲, 包括荀絲, 雞絲, 冬菇絲.....etc.
(3) 笉一碗"羹"於小煲內加熱, 你要咩絲就放d咩絲拌勻
(4) 於竹筒內放入少少齋翅, 將滾起之湯羹倒入竹筒內
(5) 灑上古月粒, 下點醋及麻油, 搞掂!!

 


寶瓶粟米 | 28th Nov 2010 | 大日子 | (5 Reads)

同班friend去燒燒燒野.........食~~

kitty用叉叉自己塊臉~

tweety同小龍女波波對峙~

uncle燒包包........燶了~

uncle應承燒粟米比粟米食!

拿.....靚粟米的另一邊~

燒到有點乾身的粟米, 不過仍然香甜~

第一次燒叉燒....粒! =.=''''''''''

你班友仔, 叫我post你地上blog, 呵呵~

燒多多多多多多多多多多多多多多多多春魚~

玩得好開心....佢地! So am I??! hehehe..........

uncle讚我燒得靚~

燒野食之前, 記得take野.....不過take好野!

"清熱氣, 要食佢先!"

阿Fi個蘿.........又大又圓!

盡興而歸~

 


寶瓶粟米 | 12th Nov 2010 | 中西美食色香味 | (38 Reads)

媽咪中意白汁通粉, 琴晚就整左了.....一個簡易版本

[白汁吞拿通粉]

烚熟通粉備用, 以[所記Taiyo Tuna]油炒香洋蔥粒及粟米粒, 加入taiyo炒一炒, 再加入一罐忌廉湯及一罐水做好白汁, 最後加入通粉及灑上意大利香草, 快快手拌勻, 快快手搞掂.........快快口有得食!!!

IMG3816

IMG3817

如果我在鬼地方, 就唔會咁懶用忌廉湯做白汁啦, 一定會用牛油, 麵粉, 白酒, 奶+cream, 正~~

不過呢個都唔錯, 媽咪話好好食....(一定話好食, 因為唔洗佢煮, 哈哈~)


寶瓶粟米 | 12th Nov 2010 | 烘焙の守護天使 | (15 Reads)

今日一次過做兩個甜品:

1. 蘋果撻
2. 柚子蜜天使

點解做兩個甜品哩? 因為做天使蛋糕剩下蛋黃, 做facial都用唔到咁多, 而家一直想試做批或撻, 之前做過細小的, 今次做大一點的

IMG3821

IMG3825

我有睇火架, 黑就黑左一點, 但唔係燶......下次細火一點再試!

recipe係參考網上的, 但改左個撻皮做法, 都幾香~~~

IMG3827

我一向唔太食什麼什麼甜批呀撻呀, 連老麥既蘋果批都唔太喜歡, 但又想整, 都係果句, 識做唔識食.....

反正媽咪會幫我搞掂佢, 琴晚已經問左媽咪好唔好, 佢話好, 所以今日就動手啦, 佢出完街返黎有野食~

呢個蘋果撻好清香, 味道其實好正, 不過唔係我喜歡果類既味道, 所以唔識表達, 但相信媽咪會中意, 因為餡料中加左杏仁粉!!!

MG3822

變左少少形既柚子蜜天使~


Next